林奕匡榮升新手爸爸

    林奕匡(Phil)太太李靄璣(Rikko)於八月廿三日誕下兒子Darrien，母子平安，Phil亦正式成為林爸爸。

    入產房前Rikko一直打算順產，但怎料在醫院經過十多小時後開始發燒，緊急轉做開刀手術。Darrien出世時重二點八四公斤，暫時還未有中文名，但Darrien這個英文名字就是由Phil想出來，有“Gift（恩賜）”、“Rich（豐盛）”及“Kindly（仁慈）”的意思。

    其實在Darrien出世之前，Phil與Rikko都為小寶寶未雨綢繆準備了很多，亦遇上很多驚險事故。好似Phil在Rikko懷孕期間試過打波拗柴受傷，幸好未有骨裂，痊癒過程亦比想像中快。另外因為Rikko選擇順產，所以難以預知囝囝的出生時間，早前Phil前往澳門演出，他都擔心撞正囝囝出世，Phil說：“所以我離港之前幾日，日日都同BB講，要等埋我返嚟先出世呀！結果BB好乖，真係等埋我！”

    Phil與Rikko現在當然忙於湊仔，不過他們早就有心理準備，Phil更道：“因為係有計劃嘅懷孕，所以心態上，我哋都好ready、好期待。”