開騷前食瑞士卷減肥

    周慧敏：老公最知我強迫症

    周慧敏(Vivian)本月底將來澳門展開巡迴演唱會，日前接受絲打圍爐訪問，她透露自己是用“瑞士卷”來減肥，讓大家非常震驚。Vivian 抽空到網台接受訪問，當唐詩穎及娟姐說想看看玉女手袋裡面，有甚麼神奇法寶可以像吃了防腐劑一樣，可以保養得這麼好時，Vivian大方打開手袋。

    眾人驚訝發現，Vivian手袋裡面竟然藏有兩件“瑞士卷”蛋糕。她笑說：“因為我要做演唱會啦，所以要減吓肥，呢個係我減肥餐囉。”用瑞士卷當減肥餐大家聞所未聞，Vivian笑道：“係呀，全日都唔食嘢㗎啦，起身之後食兩件，下午兩件，帶多兩件係身，餓個陣就食，每日六件左右啦。就係我一日食糧。”她謂：“其實重會偷食零食，麻辣花生，魚仔花生，黑朱古力咁，少少啦。哈哈。但係我一日咁樣嘅時候，第二日就食返正餐㗎喇，我唔係日日都係咁，隔日咁啦，呢個係咁多年來做演唱會，用嘅減肥方法。”

    Vivian生活非常忙碌，由於她天生是個強迫症性格的人，凡事都要親力親為，又追求自己心中完美，所以連瞓覺時間也少了很多：“我性格係咁㗎，我一定要做嗰件事，我今晚做唔完，我就唔瞓嗰種人嚟㗎。”Vivian坦言這性格老公倪震十分清楚，所以有一些事假如她叫老公幫忙做，像修電腦等等，老公就會跟她說：“我今晚一定幫你修好，先去瞓吧，你瞓醒後就會發現一切回覆正常。”

    她說老公太了解自己，所以如添置一些家中物件，都會知道強迫症的她，習慣用甚麼牌子的東西，一不是同一牌子，就會覺得不對勁：“所以佢會偷偷買好多，然後藏起來。例如我鐘意飲某一個地方出產嘅可樂，佢會買好多，但我不知他收藏在哪，總之屋企存貨差不多飲完，佢就會補充。但佢夠竟買咗幾多，佢永遠唔會畀我知道，免得我有壓力，驚飲唔完浪費。”