張敬軒重溫港鐵電影片段

    港鐵由一九七九年通車至今已經四十五年，今年張敬軒（軒仔）為港鐵四十五周年廣告重新演繹經典歌曲《幾分鐘的約會》。拍攝廣告時，軒仔在站內遊走，重溫不同年代在港產片中出現過的邂逅、相聚等溫馨場面。當中有張國榮和張曼玉在電影《緣份》中的車廂激吻；在《三人世界》中林子祥孭住鄭裕玲行走及兩人鬥嘴的場面；還有蔡卓妍於《下一站天后》的追夢旅程；以及在輕鐵發生的《幻愛》等。

    軒仔說：“睇返呢啲片段真係回味無窮，位位都星光熠熠，我有幸可以喺廣告入面同佢地同場出現！電影同音樂呢啲流行文化就同大家嘅生活息息相關，所以車站、列車等成日出現係呢啲作品入面。”軒仔難得走入車站拍廣告，趁機參觀兼“打卡”，發現月台設計新穎，更大讚好大好靚，不時喺燈箱見到自己嘅廣告，覺得好有愛！