親帶兩人登台搵真銀

    黃建東趙頌宜被家燕姐賞識

    黃建東(Derek)和趙頌宜(Maggie)到新城電台，接受薛家燕、范振鋒和黃思敏主持《開心大派對》之“開心家訪”錄音訪問，並將於十七日播出。

    曾於二○一四年與王祖藍主持《Sundy扮嘢王》的家燕姐，大讚Derek和Maggie是扮嘢高手，但她有感扮鬼扮馬並不容易，“之前我哋一個騷要扮兩、三個角色，做完先知扮嘢係咁難。”《福祿壽訓練學院》真人騷成員Derek和Maggie，因為“好戲”而獲得家燕姐賞識，帶挈兩人返內地登台搵真銀，家燕姐透露：“我返去開會時提佢哋個名，大家即刻話好想見佢哋，咁我話返去問吓佢哋得唔得閒，今次好難得同佢哋一齊上去。”

    Derek是參加二○一一年香港先生選舉而入行，對演藝事業充滿熱誠。家燕姐問他參加扮嘢比賽有甚麼難忘事，Derek表示：“參加呢類節目比較難，因為之前成日扮嘢都扮過女人同扮阿伯，仲有咩新鮮感可以畀大家？同埋扮聲唔係我強項，所以心理壓力好大，我擅長浮誇，但祥師兄（阮兆祥）要我收（斂）啲，收已經係一個難度。”

    至於在選秀節目《聲夢傳奇2》中被彈台風“一碌木”的Maggie，自爆小時候已經熱愛模仿，所以參加《福祿壽訓練學院》。Maggie表示：“我細個已經好鍾意扮嘢，見到咩好笑嘅人就扮，試過扮郭晶晶。”家燕姐激讚她：“你喺節目裡扮蔡琴真係好成功。”Derek亦表示：“佢彩排時好似冇信心咁，但到正式時就放晒出嚟。”