洪助昇若隱若現吊粉絲胃口

    日前水上樂園舉行的《New Bomb音樂會》，泳兒帶領三位師弟黃明德(Dark)、黎展峯(Andy)及洪助昇(Aiden)一齊參與，四人預備了多首歌曲炒熱氣氛。

    最近經常出席“濕身音樂會”的泳兒自言愈來愈喜歡戶外live show，“我覺得自己開始有少少偏向‘E’型人格，有好多Energy需要放出。雖然我事先張揚過會以泳衣打底，但因為襯唔到，所以改為黐咗好多膠紙打底，慎防件衫因出汗滑落。而化妝師就幫我化咗個防水妝，髮型師亦幫我整咗個wet look，流汗都唔會塌。我還預先收到風Andy和Aiden會除衫，雖然我冇得除，都特別預備了兩套衫換，唔執輸。”

    Andy跟Aiden唱得興起時皆脫去外套，Andy背心上陣露出結實手臂的他，直言乘機展示頻頻操肌的成果及偷偷唞一下，不過因兩個星期前弄傷頸，未能展現最完美的身型。Aiden則以窄身短袖tee示人，“若隱若現，吊住粉絲胃口先，下一次再show自己的健身成果。”相反，近日減肥成功的Dark十分密實，他直言尚要操肌，與Andy一起除衫會有啲蝕底。