周家怡日本試鐘出租男友

    日前，在新一集網上節目《恨駕到大阪》中，李靖筠(Gladys)“關愛”拍擋周家怡的行動升級，悉心為家怡安排日本熱爆的“出租男友”，讓她來一場回春校服拍拖，重拾初戀感覺。節目一開始，Gladys即指平時大家可能覺得她對家怡“串串貢”，但其實在心裏很疼愛對方，並暗地裏為久未拍拖的家怡預訂了一位出租男友Narumi。在介紹給家怡認識前，Gladys先把Narumi起底：“他喜歡笑、開心的女生、不介意女生年紀比他大、喜歡開車等，我聽完後覺得他跟家怡十分夾。家怡亦想重溫中學拍拖的感覺，所以睇吓二人可唔可以一齊着校服？”

    Narumi隨後爽快答應，Gladys立即興奮大叫，覺得二人是perfect match：“只要他們隨身帶一個AI翻譯器，就可以原地結婚，哈哈。”但當家怡打算跟“男友”出發拍拖時，Gladys又嚟料：“初戀嘅感覺要靠一啲造型上嘅配搭，我哋準備咗校服畀你。”最後家怡為節目犠牲，但仍意難平，這時Narumi主動拖起家怡去拍拖。二人先到cafe，然後打機、影紙相、夾公仔等，又於大阪慢步街頭，全程十指緊扣。經過兩小時拍拖，家怡分享感受：“今日好開心，因為我覺得我好耐未試過、人生未試過咁尷尬，我覺得我已經唔係好識拍拖，最尷尬係見到真嘅學生妹。”