開騷日大雨無阻粉絲熱情

    江海迦邀林德信擔任嘉賓

    江海迦(AGA)《AGA ONEDERFUL LIVE》內地巡演第四站，日前在深圳完成。開騷當日下起連場大雨，不過無阻粉絲熱情，容納九千人的場館全場爆滿，AGA更邀得林德信(Alex)擔任表演嘉賓。

    AGA當晚亦首度公開演唱剛推出新歌《DRUNK DIAL》，她說：“呢首歌係我七年前寫起，故事啟發自一位朋友飲醉酒後打畀朋友，而我每一次都會阻止佢。就係呢個原因令我有出歌和即將推出全新專輯的計劃。”同時舞台上熒光幕播放出MV，讓樂迷同步欣賞。

    為了深圳站演出，AGA特別準備兩套火紅色高衩長裙及全白色海浪長裙，由外國空運到場作新戰衣，又邀請了相識超過十年的好友Alex現場合唱一首英文歌。說起二人相識經過，AGA自爆：“其實我曾經都係一位Rock Girl，幻想唔到嗎？我見到大家腦海好多問號！我入行前玩的第一隊Band嘅原因，就係因為Alex拉我入去，所以度過咗一段用搖滾音樂表演嘅時間。Alex亦畀咗好多鼓勵我，令我鼓起勇氣踏出創作嘅道路。Alex係我音樂事業中好重要嘅一個人，所以好多謝你，好開心可以喺今場邀請到你做嘉賓。”Alex補充說：“有一晚我喺Music Bar同朋友Jam緊音樂，突然之間聽到後面有個唔識嘅女仔彈住琴唱歌；然後我擰轉頭，見到‘咦，靚女嚟口架喎！’我就係咁認識咗AGA，然後我哋好快組咗隊Band。”AGA又笑言，自己曾擔任Alex第一首歌的MV女配角，是有飯盒的特約演員，還打趣叫樂迷不要找來重溫，之後交舞台給Alex獻唱其父親林子祥的一曲《敢愛敢做》。