羅啟豪新MV日本取景

    剛剛放完短假期的羅啟豪，早前到日本的大阪和京都，今次旅程的目的之一，是要為其自家頻道 MV 取景。他說：“今次已經係自家頻道‘歌曲重 Sung’系列嘅第六隻歌，好想有機會喺外地取景。之前幾次登台都夾唔到時間做拍攝，於是堅決要完成自己心願。”一向喜愛大自然的啟豪，在計劃行程期間，留意到旅程會遇上大阪一年一度的粉蝶花祭，在這一個月間，公園會有 一百萬朵香港少見的淺藍色粉蝶花盛開，他決定MV 以此難得的美景作為拍攝背景，期望為這個系列的新歌《My Heart Was Home Again》帶來一個個既夢幻又浪漫的畫面。

    他又說到步首兩天都有落雨，第一日雨下不停，於是他打消行特色小店的念頭，另去尋找一些合適的室內活動。當時他正站於一間迷你豬咖啡館樓下，便走上去八卦一番。他第一次見迷你豬，店長更兩隻一起給他玩：“平時我好少探訪動物餐廳，今次呢兩隻豬好唔怕人，一嚟就坐晒落我大髀度！佢哋好乾淨，兩隻嘅性格又好唔同：一隻溫柔啲，一隻惡啲。雖然落雨要取消原定計劃，但係有佢哋同我‘相依為命’，覺得塞翁失馬，焉知非福！”