朱嘉望一直睇好隊友江旻憓

    今屆奧運香港劍擊成績驕人，繼江旻憓“決一劍”奪金之後，張家朗亦摘下金牌，成為香港史，首位連續兩屆奪金嘅運動員。見證兩位金牌誕生的劍擊運動員兼首次擔任HOY奧運評述的朱嘉望(Moonie)，亦憑住亮麗的表現及甜美的樣貌，被網民推舉為新一代劍擊女神。劍擊隊友江旻憓及張家朗分別為香港增光，奪取兩面金牌，Moonie 說一直都對他們充滿信心：“我一直都好相信佢哋兩個，無論係順境波定逆境波，佢哋都一定能夠面對，教練講過到咗關鍵時刻，Impossible to not be strong！ 佢哋絕對有呢種力量。”

    表現被傳媒及網民力讚，Moonie非常開心：“首先多謝各大平台及網民嘅支持，每日做完評述之後，都收到好多訊息為我加油。其實我覺得我有好多進步嘅空間，例如除咗比賽期間，我會比較多嘢講之外，其他時間好似都冇乜嘢講，呢方面我都想向大師兄張小倫學習一下，可以分享下自己嘅生活日常。另外我都要多謝專程嚟到HOY公司樓下支持我嘅朋友，辛苦大家啦。除了朱嘉望，HOY的奧運出色女將還有何雁詩和陳欣欣。何雁詩是前高爾夫球運動員，她有留意江旻憓、張家朗比賽中對方教練的表現。