沈震軒否認女友陳欣妍大使

    前日，沈震軒、劉威煌及鄧小巧出席新城廣播劇團《天花板人生》記招，三人即場寫出心目中的天花板人生，同場還有英皇新人曾傲棐，他亦有份聲演一角。 沈震軒說三人在廣播劇中是好朋友關係，大家一齊在同一間公司工作，之後又一齊離開，並約定在四十歲後，在事業上鬥誰最勁，而他已屆這個歲數，所以對角色特別有投入。問到他與朋友可有這些約定，他笑言自己在朋友間輸晒，因他們都事業有成又結婚生仔。

    說到他也可與女友陳欣妍結婚生仔，沈震軒笑言：“我認為我呢個年紀最重要係開心及身體健康，結婚就仍在努力中，要儲老婆本。（女友好大使？）唔係，只係想所有事都做得好啲。（目標幾時結婚？）我想低調啲，可能我結咗呢？”結婚已十年的劉威煌，談到夫妻相處之道，指結婚初期當然想過二人世界，但對得多大家都覺得悶，就想有自己的時間，唯一辦法是將自己的朋友變成老婆的朋友，所以身邊好友的老婆都已成好友，更有手機群組。他不擔心朋友將他的事告知老婆，因自己無秘密，反而有事不用煩他更好。