鄭伊健倫敦登台三度安歌

    鄭伊健“HERE & NOW EKIN IN CONCERT 2024 LONDON”演唱會，日前在英國倫敦Eventim Apollo舉行，兩度Encore，歌迷反應熱烈。伊健感動三度唱到眼濕濕，唱《我的歌》時他強忍淚水繼續唱。小師妹黃淑蔓(Feanna)冧莊隨團演出，與伊健師兄合唱《一對對》、《心照》和《For U & Me》等，她同時亦擔任樂隊和音，多才多藝。今次巡唱倫敦站仿如“大型K房現場”，因為無論伊健唱《友情歲月》、《一生愛你一個》、《感激我遇見》等冧歌，還是《極速》和《自動勝利Let’s Fight》等快歌，都全場觀眾大合唱。

    現場歌迷熱情地揮動燈牌、手機燈星海，甚至湧到台前握手，非常投入。完場歌迷不散場，狂叫Encore後伊健再度出場，他唱《動地驚天愛戀過》時看到台下歌迷全部站起來，揮動手機燈，他又再眼濕濕更一度哽咽，觀眾歡呼聲和掌聲打氣。他說：“所有歌真係唱晒，導演叫我出嚟唱多首歌。點都好，多謝你哋，無離開，Thank You！我演唱會有個特點，就係希望大家開心，所以點都要加多隻歌。希望大家開心咁離開呢個地方，記得我哋今日聚過，希望後會有期。”