鍾雨璇認黃夏蕙契媽

    歌手鍾雨璇即將推出新歌《到底邊度有真相》，近日為新歌拍攝MV，更邀請來黃夏蕙（夏蕙姨）及阿儀一同出鏡。鍾雨璇說：“呢次邀請佢哋拍MV，係因為佢哋能夠喺人生中開心咁做返自己，同呢首新歌想帶出嘅信息好貼合。”MV拍攝期間，鍾雨璇識做地為夏蕙姨送上熱奶茶，即場上契成為夏蕙姨契女。夏蕙姨開心道：“之前送過佢金飯碗，借呢次機會正式收佢做契女。”

    夏蕙姨又笑言：“我呢次飾演一個工人，斟茶遞水。不過喺另一個時空我係個超人，做一啲人家做唔到嘅事。”阿儀也是一人分飾兩角，她表示：“我分別飾演一個老闆同新娘。喺MV中，鍾雨璇唔聽話，我仲好惡咁鬧佢。”而鍾雨璇於MV中亦係分飾兩角：“我一方面係個斯文秘書，另一角色係一個Punk Rock嘅女仔，兩個維度入面飾演截然不同嘅身份。而今次亦邀請咗兩位跨性別人士客串，以佢哋嘅心境刻劃出勇敢做回自己嘅理念。”