棠哥得失與誰憑說

    澳門出生、讀書……實力派歌手葉振棠，八十歲了，第一次香港紅館個唱，亦是告別演唱。很想找關正傑作嘉賓，他是第一個在紅館開個唱的歌星，但聯絡不到，深感美中不足……

    談到神隱三十六年的關正傑，棠哥爆出兩人之間的秘密：“好多人以為，紅爆八十年代的《大地恩情》、《天蠶變》係我主唱；其實，我只係翻唱——原唱者係關正傑。當年，佢係建築師，唔方便接Job，會私下彈畀我做，益我賺錢。雖然唔同唱片公司，而我哋不是對敵，而係朋友。”棠哥表示，定居西雅圖的關正傑，已三十年冇見面了。”之前，兩次到當地都搵佢唔到。聞說，顧嘉煇在生時都有力邀關正傑復出，佢都唔肯。

    今年初，葉振棠出最後一張專輯《80》，順勢挑戰紅館開騷，意外獲批。“以前上紅館，都是群星騷，至多唱五首。今次告別，唱三十首經典及熱門歌曲，緊張程度和準備工夫，都增加十倍……”因視力問題，棠哥從來只唱不跳，今回跳少少，“我不是郭富城！”因為僅得一成視力，舞台不會有太多機關。棠哥難忘，多年前，在伊館做兩場群星騷，第一場落台時，太黑，叉錯腳“拗柴”，要救傷隊員抬落台；同日夜場要單腳跳跳吓出台……

    好趁精壯留個唱！“今年身體狀況係人生巓峰。”棠哥說人生無常：“去年，係身體最差的一年，年初中招（新冠），九月‘生蛇’，初發病時，還演出《情牽煇黃經典演唱會》，唱完自己部分，辛苦到暈。之後，沒法完成‘雙葉’合唱部分。”棠哥“生蛇”，手尾好長，相隔八個月了，塊面仍有針拮感覺，少少耳鳴，“好彩唔影響唱歌。”棠哥於今餘悸猶存：“最慘當日大病時，有些外地騷取消唔到，惟有食特效藥，身體變得虛弱，血糖飊升，胃部不適，死頂！亦只能唱兩首，又坐在台邊唞十五分鐘。難得觀眾體諒，拍手掌支持。不過，我仍堅持唔‘咪咀’，自己一定要用真功夫，才對得住粉絲。”

    “快樂時，要快樂，等到落幕人盡寥落……美夢回憶失去便難尋獲……”第一次又是最後一次上紅館告別，得失與誰憑說。棠哥幸好仍有心有力。最近，被網民野生捕獲，與年輕女伴行街，似發展黃昏戀？棠哥耍手擰頭勁尷尬，坦言：“我唔係何伯呀。”眼淚灑不盡，世事難得公允定厚薄……

    高梁