為ViuTV拍新劇

    周家怡唱埋主題曲好緊張

    ViuTV原創劇集《無人之境》將於下周一啟播， 前日舉行記者會公佈詳情，劇中演員周家怡、周國賢、李炘頤(Alina)、COLLAR成員王家晴(Candy)及陳安立等齊齊出席撐場。

    周家怡受訪時，透露今次有份為《無人之境》唱主題曲《無稜兩可》，她表示：“今次都係要多得周國賢，我只係加把口講吓，佢就預埋我合唱，唱咗半首歌。其實演員唱歌比較着數，因為啲人會畀好多同情分，但歌手演戲就唔會囉。事前我仲跟女團Lolly Talk成員Sinnie學唱歌，佢拉長聲音，錄咗兩、三個鐘就搞掂，之後我哋仲去咗打邊爐慶功。（今次可會唱出歌癮來？）又唔會，我覺得唱歌好難，入錄音室時因怕自己唱得差拖累首歌，感到好緊張，不過有機會都會再唱嘅，多嘗試多個領域嘛。（演出《無人之境》時又感覺如何？）我喺劇中有場嗌交戲，拍攝時喊得好勁，加上有十幾頁紙對白，拍完幾乎虛脫。”

    另外，Mirror成員Stanley的女友Alina在劇中飾演舞者，她表示：“今次我本色演出，在戲中大跳現代舞，呢個角色好有很多內心戲，好有發揮。”談到男友Stanley的隊友陳瑞輝（皮皮）的圈外女友Christy因高調宣示主權，引起皮寶寶（粉絲暱稱）十分不滿，被起底之餘，女方又有其他是非傳出，Alina表示：“我唔識Christy，不便談論，我認為高調是其個人的選擇。（你私下可有跟其他Mirror成員合作？）私下我最多只係同Jeremy打牌，（睇男友的演出時可會感到好大壓力？）一大班朋友睇就冇問題，但自己一個人去就唔會嘞。（會否與男友的隊友保持距離？）我又冇特別去諗呢方面。”

    王家晴表示自己今次已是第二次拍劇，她笑言：“我喺新劇中與陳安立會有感情戲，但只算係BB級的，最多只係拖吓手仔。（再拍劇感覺如何？）演起來輕鬆啲，冇上次咁緊張囉。”