許靖韻新歌情緒化

    許靖韻(Angela)新歌《被吃掉的靈魂》面世，被指歌名與其二○一七年的作品《被討厭的勇氣》十分相似，但她稱兩首歌沒有關連。她笑言拍MV時有精神分裂的感覺，因鏡頭前很傷感、鏡頭外就好歡樂。

    Angela拍攝MV的第一場戲最深刻，“其實首歌係好情緒化，拍第一場海邊景時個天落毛毛雨，好襯首歌，拍攝時我嘅情緒應該係唔開心和比較負能量，但當時候好多學生同埋有其他人喺側邊游緊水，現場環境好歡樂，所以我覺得同我形成咗一個好大對比。”

    雖然她一直予人感覺開朗正面，但她形容自己是一個極端的人，情緒可以由零跳到一百，“平時可以好開心，但唔開心時我係爆發式咁喊，試過喊足一日，頭痛到食止痛藥先瞓到覺。錄音時，我回想崩潰的經歷，將情緒注入旋律，並希望將新歌送給處於低谷中的人，如果有人處於絕望，希望從呢首歌可以得到治癒。”