林曉峰順德開騷新歌打孖上
林曉峰（阿Lo）為實踐歌手夢，上周末舉行《想你的FENG吹到了順德站》個人音樂會，首次演唱兩首以他本人故事為藍本的歌曲《曾經被遺忘的人》和《四季人生》。最近更譜上廣東話歌詞，分別為《自補人生》和《第一個春天》。阿Lo表示又開心又緊張，開心是因為歌迷反應熱烈，緊張是因為爸爸親到順德捧場。
入行三十年，今年正式以歌手身份出歌，阿Lo在台上分享由演員到歌手的心路歷程，亦在台上看屏幕上歌迷在網上的打氣留言，有感性的、亦有搞笑的。之後他唱《一起衝一起闖》，台下歌迷預先將心願和祝福寫在紙飛機上，齊齊“飛”上舞台，由阿Lo親自讀出和回應。
騷後阿Lo表示又開心又感動，他說：“好開心，今次《想你的FENG吹到了順德站》粉絲熱情反應，比廣州站不遑多讓，見到台下好多情侶、父母帶埋小朋友，啲小朋友睇得興奮。最估唔到台下好多男觀眾，竟然跟住唱足全場，甚至有啲唱到想喊，所以我覺得好開心。”
他又笑指在最前排的一班忠粉唱錯幾個歌詞，連他都一齊跟住唱錯。
