義氣仔女樊亦敏

    風姿綽約、雍容華貴《愛 · 回家》三太、《神耆小子》洪玫瑰，頗討有錢老男人的歡心，大受觀衆歡迎的樊亦敏：“我很期望做女人眞心想做的：正式老婆，公開的太太，母親……”可惜人生姻緣路上，幾段戀情都中途窒步，某程度與自身健康有關。”

    “兩個人在一起，是一門學問。”樊亦敏講她相遇的男人——“我識到的另一半都好奇怪，有個共通點，家中獨子，或屋企長子。我們這一代的社會風氣，他們都要承擔傳宗接代責任；但……由於我身體唔好，恐怕生小朋友有問題，甚至有難度。旣然身體狀況難生小朋友，畀唔到對方想要嘅嘢。我會諗，佢是否有其他選擇呢。始終結婚不只兩個人，係兩個家族大事。”

    盛傳轟烈的愛情：樊亦敏仗義為中風癱瘓的劉家輝追討逾百萬財產。事件曝光後，外間揣測，兩人關係莫測高深……。對此，樊亦敏解開箇中之謎：“最初，好多人以為，我一定同劉師傅有啲嘢，你先至會去幫佢。眞係有人咁諗，好難怪人……。現在，事實證明，唔一定係師傅我先幫佢，成為呢件事的焦點，係意外……純粹有一大班朋友幫手，當中有律師、醫生，只有我一個係圈中人，便成了焦點，成件事我唔敢居功。”

    樊亦敏自言，人生可以多姿多彩的，不覺得沒有伴侶是遺憾，反而，可惜自己沒有足夠時間和資源為社會做多些事，俠義助師傅之事，雖導至緋聞，亦在所不惜。

    與港姐冠軍郭藹明同屆，樊亦敏三甲不入，當上最上鏡小姐。“接觸較多廣告商，大多數經濟地位比較好。因為我未婚，別人見我經常同有錢佬食飯，就有緋聞嫌疑，唔可以怪人……。”樊亦敏坦言：“我識好多人，經濟能力都唔錯，都只係朋友，你見我，到了現在，仍然要好努力工作。”

    樊亦敏身體，影響了姻緣；樊亦敏身體，亦與演藝密切。曾一度因為肥胖影響，被定型專演師奶角色，入型入格。“演出彩虹”，近年，她憑《愛 · 回家之開心速遞》走紅，“三太”雖屬“奸妃”，趣緻可愛，難得老少咸宜，得奬之後仍可再得奬的。

    亦奸、亦趣的樊亦敏，出身正戲路線——第一個主持工作，拍檔劉嘉鈴，第一個訪問嘉賓劉德華。對手戲，耆英、精英皆宜！

    高梁