搶先爆鄭世豪離巢

    林淑敏承認搞出大頭佛

    前日，《愛 · 回家之開心速遞》到商場舉行宣傳活動，劇中主角林淑敏、許家傑、呂慧儀、張景淳及新加入的何晉樂(Rock)等齊出席撐場。“細龍生”鄭世豪上月約滿離開TVB，他早前在社交平台留言，似暗串林淑敏搶先對外證實他離巢的消息。前日林淑敏亦承認：“係我處理得唔好，搞出個大頭佛。”

    “大小姐”林淑敏前晚受訪時表示：“鄭世豪離巢一事，我承認係自己做得唔夠好。我選完港姐就識佢，大家共事已好多年，今次真係我處理得唔好，令佢唔舒服，搞出個大頭佛，真係唔應該講太多嘢。應該先與他溝通一下，真係唔好意思，稍後我都會約佢坐低慢慢傾，講返件事。”與鄭世豪合拍《愛 · 回家》都有六年多的許家傑，亦表示唔捨得鄭世豪離巢，對於對方暗指林淑敏爆料之事，他覺得大家脾性都好清楚，相信唔會有隔夜仇。

    早前，呂慧儀和張景淳在社交平台曬出戴情侶戒指的照片，前日被問及此事時，張景淳表示：“我因為經常忘記戴戒指開工唔連戲，所以就當飾物戴住囉。”呂慧儀亦否認是“公開戀情”，她笑言：“這戒指只是戲中的道具。（將來拍拖是否要先問准兒子？）咁當然要畀個仔先過目，不過我怕囝囝比我早拍拖呢，佢今年只得九歲，但已問我畀唔畀佢同一個好欣賞嘅女同學一齊補習。”

    對於不少觀眾都希望他們假戲真做，張景淳表示：“可能我哋演嘅角色太入屋嘞，街坊見到我都會問：‘你老婆點？’”

    “聲夢”出身的何晉樂新加入《愛 · 回家》大家庭，他表示：“都開工拍咗兩個幾月，我演樊亦敏同羅樂林嘅仔‘龍舟’。（‘細龍生’離巢，你就入加入，怕唔怕畀人話取代佢？）我冇諗得咁多，只知我個角色，係由外國讀完書返香港的，因為樊亦敏一個人好寂寞，所以安排我返嚟陪佢。”