曾比特唱《繁花》插曲自評70分

    王家衛執導及監製的首部電視劇《繁花》日前於翡翠首播，有份為該劇演繹OST《再回首》和《一生何求》的曾比特(Mike)表示：“其實劇集剛剛播出嘅時候都已經有睇過，但係今次喺香港首播，亦都知道有一部分我嘅粉絲都未睇，所以我想將今次首播嘅感覺同大家一齊分享，亦都係我第一次同我嘅粉絲一齊睇劇，好似一家人咁，好熱鬧！”

    今次翻唱，Mike會給自己七十分：“因為我睇完套劇之後，體會又唔同咗。如果以依家呢個心態再唱一次，可能會有所不同。正因現場唱先有呢種效果，每一次嘅演繹都會隨着你對音樂嘅理解而有唔同嘅演繹方式，好吸引！”之前Mike跟王家衛導演有過一面之緣，還大膽自薦，他表示：“當然我演戲嘅程度有限，我同王導演講如果可以喺佢嘅戲中擔當一角，絕對係一個好難得嘅經歷，但希望喺戲裏面唔好咁快死就得！”