李幸倪新歌受楊紫瓊啟發

    李幸倪(Gin Lee)的新歌《告別煤氣燈》近日上架，內容講述較深層的議題，Gin表示自己從外國真人騷、去年榮膺奧斯卡大獎的楊紫瓊及關繼威身上獲得啟發，加上自身經歷，希望藉新歌鼓勵大家學懂如何平衡聽取身邊人意見，以及聆聽自己內心需求。

    Gin表示：“我希望新歌的MV有視覺上嘅衝擊，好似真實同科幻之間，所以有啲場景你會見到係有啲抽象、有啲意識形態。”

    MV分三個場景包括玻璃屋、藝術品及扯線公仔拍攝，Gin介紹道：“第一個玻璃屋場景，佢好似一個好靚嘅水晶球，但係如果住一個人喺裏面，又係咪咁靚呢？定係一個捆綁嚟嘅呢？我哋就係用呢一種嘅Contrast去帶出：咦，其實好似有啲嘢喎！”然後Gin化身成藝術品，男主角梁仲恆現身，他將Gin打扮得十分漂亮，當作藝術品般展現人前。最後扯線公仔是最明顯的一個表達，除了自己被操控，原來男友同樣被操控着。

    Gin表示：“呢個MV中嘅水晶球係受到一九四四年嘅一部電影《Gaslight》所啓發，同時亦向這部電影致敬。”