鄭則士返無線拍劇全因珍姐

    相隔五年再為無線拍劇的鄭則士（Kent哥），在熱播的《神耆小子》中的表現受到讚賞。他早前接受無線娛樂新聞台主播潘盈慧主持的節目《星光路上》專訪，自爆再拍無線劇集的原因。Kent哥表示：“全因曾勵珍。珍姐對我說：你都好耐冇拍嘢喇喎？我話係呀，佢話：有個劇本搵你，我即刻話好並應承佢。”

    Kent哥表示，畢竟五年沒有再拍劇，他開始時曾擔心自己跟不上節奏，最後想到以“殭屍理論”解決：“我一望完演員名單就覺得啱喇，有血可吸，最後生嗰個係廿四歲嘅冼靖峰，先吸佢啲熱血，滾到澎澎聲嘅；跟住再睇有樊亦敏、曹永廉、蕭正楠，全部後生過我，圍繞住一班咁有熱血嘅演員工作，我就吸晒佢哋啲熱血，翻新晒自己啲殭屍血，我覺得呢次係成功嘅。”

    笑言自己“休而不息”的Kent哥，點名大讚好拍檔冼靖峰：“佢好乖，好學、謙卑同埋有天份，天份對佢做演員好有幫助。好明顯睇到個劇出嚟之後，唔止係對我，佢同阿蕭嘅互動，就算喺屋企三個人嘅戲，佢一啲都唔喺下風，而係成為三個人嘅一分子。”