譚旻萱要減磅搣甩包包面

    譚旻萱(Mandy)最近獲護膚品牌垂青，拍攝品牌全新防曬系列廣告。最近Mandy積極增值自己，瘋狂做gym、跑步、學戲與學武術等，為迎接新挑戰，她說：“為之後嘅工作做好準備，嚟緊會有新挑戰，一直上緊堂學緊嘢、勤力啲做gym，飲食都要節制吓，食得清啲，都想減吓磅，減吓而家嘅幸福包包面。”廣告以打籃球為主題，Mandy跟男演員在場單對單較量，以阻攻來帶出防曬的重要。一有籃球在手，Mandy馬上精神抖擻進入狀態，全神貫注跟對手對打。

    誰知導演見Mandy打得太忘形，因面部表情太“狼死”而被叫停，惹來全場大笑。Mandy笑說：“我好鍾意打籃球，所以每逢工作時要打籃球都會覺得唔似做嘢，係好開心嘅。最搞笑係導演覺得我打波時個樣太兇狠，因為自己太投入冇注意到。”談到打籃球，Mandy滔滔不絕，更憶起初入行後比賽時險毁容的經歷。她說：“之前曾經同啲叔叔打波，對方要護住個波，就批踭批到我個嘴，撞爆咗個嘴，當時我好痛，仲有喊，但我唔係因為痛而喊，而係驚毁容。自此公司就嚴禁我打波打得太狠，其實長大後我個人係文靜咗，但係打波習慣偏狼死，有啲難。”