社工籲正視家庭教育缺位

    【本報消息】早前有數名未成年人涉欺凌一名清潔公廁的婆婆，承辦案件檢察官已向初級法院家庭及未成年人法庭建議，根據有關未成年人年齡及具體情況，採取不同教育監管措施或社會保障制度予以跟進。街總社區青年服務隊隊長江永泰希望社會思考，有關小朋友為何會欺凌老弱？為何沒有人及早糾正其錯誤行為？父母對小朋友有否足夠關顧、教育？

    事發後，江永泰曾找有關婆婆及小朋友，冀能提供幫助或輔導。當時婆婆仍然很生氣，由今年二月至四月，婆婆被有關小朋友多次粗言侮辱、扔汽水、扔雞蛋，且曾報警，但因小朋友年紀尚小而未獲即時處理，求助無門。

    群聚膽量變大

    江永泰質疑，有些事發生在下午，應有人目睹，是否有人冷眼旁觀？警方是否可增加巡查？“倘一開始已有人介入，事件唔會演變至今日咁。小朋友今日做錯事，後日才鬧，佢唔會知道發生緊咩事，欺凌行為只會越來越嚴重。我唔信一開始就扔汽水、扔雞蛋，一定慢慢累積”。

    江永泰指出，“其實佢哋仲係好細，本質唔壞，只係群埋一齊膽量變大，抱着好玩心態”。當中也有人曾遭受校園欺凌，“唔知小朋友當時有冇向大人傾訴？學校、家長有冇妥善處理？有可能在學校裡學識欺凌弱小”。

    他認為，此事存在多方面責任，“無人教就唔會知道規矩，小朋友變壞都係大人責任、社會的責任”。有時欺凌婆婆是在晚上十一時許，父母有否關心小朋友身在何處？“我哋唔係認同小朋友嘅行為，但要去了解點解會發生呢件事？點解會演變到咁？從而去糾正”。

    父母角色淡化

    多年前線社工經驗，江永泰有感現今雙職家庭、單親家庭漸增，許多小朋友由隔代、父母其中一方，或工人照顧，成長過程缺乏親密的人提供教育或作為榜樣。與家人聯絡仰賴聊天軟件，連打電話也甚少，晚上補習後回到家已十時，翌日又要上學，“父母角色好似唔係咁見到，呢個係整個社會都要思考”。

    希望政府能真正做到跨部門合作，整合資源，設協同聯防機制。學校方面也要多思考如何做得更好。常言道“懲教”，應該“懲”與“教”並重，因最終目的是要令行為人改過自身。