冼靖峰讚鄭則士關心後輩

    無線新劇《神耆小子》，由鄭則士（Kent哥）、冼靖峰(Archie)、蕭正楠、樊亦敏、曹永廉主演。跟Kent哥認識了近三十年的監製王偉仁(Simon)，二人再次結緣，他為凸顯Kent哥演出的“錢大海”一角的霸道，專誠為其設計了“老虎狗”Image，指Kent哥是整套劇集的靈魂人物。並大讚Kent哥專業，永遠唔會遲到，例必比通告時間早半小時到做準備，好值得欣賞。劇中Kent哥的主要對手是劇壇新丁Archie，雖然二人演齡差距頗大，但演出卻一拍即合，IT專有名詞的對白亦應付自如。Archie笑言全靠Kent哥貼身指點，並細數對方的暖心行徑：“首先是教講對白加揣摩角色，然後是近乎廿四小時貼身指導及慰問。”

    Archie說：“由Day 1到最後一日，Kent哥都教緊我嘢，佢知我演戲經驗好少，唔單止教我講對白，又教我分析及揣摩角色對於故仔嘅功能，每拍完一場戲，休息時間他都會講解返場戲點解要咁做，拍完戲一齊食飯，他又會講自己嘅相關經驗、教我好裝備自己，佢連Off cam之後返到屋企，都會再Text我，教我邊場邊場可以注意啲乜，臨尾仲一定加句：‘希望你拍攝順利啦’。Kent哥又會同我傾偈時教我好多人生道理，用佢嘅人生經驗教我點去看待自己嘅事業。”