姚焯菲唔介意舞蹈員搶鏡

    前日， Chantel（姚焯菲）和呂慧儀亮相藍田的母親節活動，製作蔬菜花束，獲一班小菲象（粉絲暱稱）到場支持。提到Chantel日前在活動跳唱新歌，被網民指兩位女舞蹈員更搶鏡，她說：“冇留意，因要專心溫書好少睇留言。（有人留意新歌演出都係好事？）呢首跳唱歌都係突破，我幾滿意，多謝大家喜歡並讚有青春活力，都當係母親節禮物。”談到兩位舞蹈員比她更fit ，Chantel也讚兩位舞蹈靚女，笑言不會換走舞蹈員，因她們是她好友，亦沒因此不開心，也可當作宣傳歌曲。

    Chantel說今個星期要回新西蘭返學，故此會提早慶祝母親節，打算去街市選購媽咪喜歡的西蘭花和帶子親自下廚。呂慧儀自從做了媽媽後比較實際，而蔬菜花束又可用來煮食。她笑言以前兒子都有送花，雖然買花的錢都是問她要的，但很有心意。又有一年母親節收到兒子縫製的手袋勞作，呂慧儀笑指囝囝當時在家穿着底褲，應她要求行catwalk。呂慧儀說轉眼兒子快將十歲了，真不捨得他大得這麼快：“個仔會怕醜唔似細個時會錫我，但都會拖我，我會逼佢拖手直至佢唔想拖， 之前行街個仔見到有層樓幾靚，話將來買畀我，好窩心。”