洪嘉豪開完個唱大傷元氣
洪嘉豪(Kaho)剛完成一連兩場的演唱會後，又重新投身其他工作。前晚，Kaho應邀到觀塘出席護膚品牌活動，不少粉絲聞訊到場力挺，場面熱鬧。
Kaho受訪時笑言：“我剛完成兩場紅館演唱會，真係感到元氣大傷，放了兩日假仍未恢復過來。我以為自己喺慶功宴上會食返夠本，但結果係好靜咁坐低食嘢。可能我不再年輕，我又衰懶醒，本來經理人問我開完騷要不要多放幾日假休息，我話唔使，可以繼續做，明日又會做校園騷。（可有邀請之前傳緋聞的郭柏妍欣賞演唱會？）我都知道佢因傳緋聞感到自責，我有主動喺Ig叫佢唔使抱歉，仲叫佢如有興趣可以安排兩張飛畀佢，佢有回覆話唔好意思，若然佢呢次冇去睇騷，下次再請佢睇。”
Kaho又稱今次紅館個唱，有些地方做得不夠好，多謝擔任嘉賓的張敬軒提供了不少寶貴意見。
