郭嘉駿谷新歌逾百“老婆”撐場

    郭嘉駿(193)最近推出了新歌《B出口》，為了讓更多人認識這歌曲，日前他前往鬧市進行快閃活動。工作人員更要他完成一些任務，以提升宣傳難度。但由於過百“老婆”（193粉絲暱稱）聞風而至，結果令到每個宣傳點都塞爆人，令任務難上加難。

    這次快閃宣傳，193坦言沒想過會有這麼多人前來：“癡線，冇諗過咁多人！喺彌敦道仲係好誇張，要趕住走，因為塞住個路口，我原本係要喺嗰度收集三個飛吻，結果最後係收集咗一堆飛吻。好多謝大家好落力幫我宣傳《B出口》，特別喺擺花街，大家拎咗宣傳單張去幫手派，見外國人會講英文，見講國語嘅就講國語，仲落力過我。今次之後可能會再有其他宣傳活動，只要首歌有少少成績或者點擊率夠高，做得好就會有下一次，大家期待一下吧！”