又唱又跳又握手

    鄭伊健孖小師妹來澳開騷

    “凍齡男神”鄭伊健日前帶埋小師妹“寰亞孻女”黃淑蔓(Feanna)來澳門，於MGM美高梅劇場舉行“Together 鄭伊健與你在一起音樂會”，全場爆滿。觀眾熱情衝到台前，伊健又唱又跳又握手，還向觀眾拋紀念品，氣氛High爆！

    音樂會由兩位結他手演奏打頭陣，伊健升上台唱《Beautiful Day》揭開序幕，他與舞蹈員勁歌熱舞演唱《極速》和《全城效應》，全場觀眾站起來一齊跳舞，氣氛熾熱。伊健向台下觀眾揮手打招呼：“好耐無見，我見到你哋呀！”然後他介紹音樂監製陳光榮：“今日唔只係‘鄭伊健Together音樂會’，仲係一個音樂調查會，你哋知唔知我呢個朋友係邊個？佢就係陳光榮。我幾乎所有歌都係佢寫，佢除咗寫歌畀我，仲係一位作曲家，包括我嘅歌、好多歌手嘅歌，仲有電影音樂，例如《古惑仔》、《風雲》……”伊健邀請陳光榮、小師妹Feanna、歌手朱雋言與樂手們到台前一同演唱《For U & Me》和《心照》，觀眾反應熱烈，衝到台邊握手。

    繼香港紅館和美國站演出之後，今次是Feanna第三次擔任伊健演唱會的表演嘉賓，深得大師兄寵愛，獲驚喜安排在演唱會上獻唱其新歌《I am All Alone》。她清唱其中一段作為與伊健合唱《蟲兒飛》的序曲，靚聲震攝觀眾，掌聲如雷。

    接着，伊健換了新造型演唱《發現》、《同一秒》和《吻感》等情歌，觀眾揮動手機燈，全場一片星海，非常浪漫。之後，伊健更一邊唱《Together》一邊向台下觀眾拋出紀念品，全場High爆。演唱會尾聲Encore時，伊健笑問觀眾：“你哋想聽歌定握手？”台下觀眾即起哄。他演唱《友情歲月》、《甘心替代你》、《只會因你唱》和《我的歌》等經典金曲後，笑說：“你哋都係鍾意握手多啲喎！”最後他唱《自動勝利Let’s Fight》來回舞台左右兩邊跑，滿場飛與觀眾握手，演唱會在熱鬧氣氛下圓滿結束。