林奕匡參與日本節目緊張

    Phil（林奕匡）推出經典歌曲《高山低谷》十周年，他早前參與日本著名音樂頻道The First Take(TFT)一鏡到底一次性錄音演出，演繹了全新編曲的《高山低谷》。昨晚，Phil與歌曲監製Edward Chan，以及作詞的陳詠謙開Live，談及參與TFT的感受，以及即將為人父的心情。今次Phil是繼陳柏宇及MIRROR後，第三個歌手單位成為香港代表，參與The First Take錄音。

    他為此做了周詳準備：“我哋重新度過首歌嘅編排，同埋唱法都唔同咗，會諗下受眾係邊個，唔想一模一樣嘅感覺去唱，因為都事隔十年，自己嘅人生同經驗會令自己有唔同感受。我都有練習多啲，仲特登買咗喺正式錄音時會用到嘅Headphone喺屋企練習，又會睇下唔同嘅表演者喺TFT佢會點唱，台風係點，又研究下鏡頭擺位，自己喺屋企事先預演一次，希望可以減低緊張程度。”

    不過進入錄音室時，Phil還是免不了緊張：“進入錄音室嘅時候，緊張一定有，但估唔到原來大家平時見到個畫面好似只有自己一個人喺度，但入到去其實鏡頭後有最少接近三十人喺度做準備，所以有啲意想不到，不過到正式錄音時，大家就會全部離場。”