王浩信扮女人獲讚白淨

    無線劇集《狀王之王》中，主角王浩信的男扮女裝前晚終出場，他演繹得相當“抵死生鬼”，除了表情與蘭花手夠晒入型入格，更主動向導演林子聰要求以“東北口音”上陣，配合角色高大身形之餘，順道增強喜感。對於王浩信首度在劇集扮女人，網民普遍受落，直指他皮膚白淨之餘，又大讚他“九頭身”身形好完美。

    戲中金剛亦有反串演出，他笑言零尷尬：“件事假吖嘛，所以唔尷尬，可以去得盡啲。我同浩信本身係識嘅，所以更加冇障礙。”對於要扮女人，金剛坦言有一件事讓他不習慣：“扮女裝其實都辛苦㗎，因為始終要戴住胸圍同埋個妝要化到好白好白，我平時唔化妝嘅，所以就覺得有啲唔自在，但成件事都係享受同開心嘅。”導演林子聰亦自爆王浩信及金剛“胸前偉大”之謎，他說：“除咗戴胸圍之外，佢地仲塞咗氣球同好多個墊喺入面。”