關心妍母女同台演唱

    關心妍(Jade)的廿二周年演唱會《約》，日前在廣州完成，全場爆滿之餘，囡囡更自薦做嘉賓。 母女再度舞台合體成焦點，Jade着上新歌衫登場道：“因為我剛剛簽咗新唱片公司（中國SONY），希望畀大家有新嘅感覺，加上心心都入咗小學，我開始有返啲時間做嘢，所以都趁佢返學日子錄新歌，不過我同公司講好咗，要跟學校校曆表去安排工作。” 今次演唱會原訂在Jade出道二十周年時舉行，但受疫情影響延至廿二周年舉行。但無阻歌迷熱情，來自內地粉絲紛紛撲飛。

    Jade說：“呢次廣州係第一站，嚟緊仲有幾站會舉行，因為延遲咗兩年，所以都加啲新衫、新歌單畀佢哋補數！今次香港粉絲組團二百人嚟支持，我叫佢哋乘機去吓啲大熱超市潮聖，其中一個粉絲更加喺日本趕返嚟睇騷。”  因為她久未舉行巡唱，現場一票難求，有哈爾濱樂迷南下捧場，到步後才發現全場爆滿：“我都唔知點算好，真係一張飛都冇晒，冇理由我哋買黃牛飛㗎嘛！但見佢咁遠嚟到都要諗吓方法，最終我畀咗囡囡張飛佢，我同心心講佢係嘉賓，要喺後台準備，唔使門票嘅！啲粉絲見到佢都好開心，話佢高咗好多，唔知下次開騷佢仲肯唔肯上台唱。”