馮盈盈被爆酒量差易面紅

    無線劇集《妳不是她》進入結局篇，前日劇中演員馮盈盈、丁子朗、郭柏妍、葉蒨文、黃庭鋒、黃婧靈及彭慧中等齊出席宣傳活動，為該劇催谷造勢。馮盈盈被其他演員取笑扮貓叫時好似“醉貓”，原來她與丁子朗曾被監製安排飲酒入戲，更被丁子朗大爆她飲半啖酒便面紅。

    對於被丁子朗踢爆不勝酒力，喝一點酒都會面紅，馮盈盈坦白承認：“我確係飲咗酒會面紅，無可否認酒量真的幾差，但演戲講對白時不會因為咁而受影響。”丁子朗被問到若醉酒時又會如何？他笑言：“我會亂講嘢，又會大聲唱歌，更可能會亂咁攬人，因此都畀人拍過唔少‘黑圖’。”而馮盈盈則笑言自己若飲醉時，沒有丁子朗咁誇張，最多只會直接躺下睡覺。

    《妳不是她》本周將大結局，問二人在戲中會否係大團圓結局？馮盈盈表示：“我除咗會解開自己峰迴路轉及勁誇張的身世之謎外，大結局中仲埋下伏線，有機會開拍續集。”丁子朗則說：“我個人覺得，呢個劇嘅大結局，會係好Happy！”