並非易事

    明年度施政報告提出，要將澳門建設成“演藝之都”、“體育之城”，或許可在澳門眾多名片之中再添兩個。不過老實說，名稱係其次，最重要質量夠唔夠，體驗好的話，不是乜乜之都、乜乜之城亦客似雲來，否則名不副實也是枉然。

    講澳門的演藝節目、體育活動，確係多，但非項項頂級。好像上月邀請日本大師級人馬久石讓來澳演出，一票難求，撲飛撲到暈，最後突然殺出實名制以打擊黃牛黨，由此可知有級數的演出確渴市。然而，並非每個項目都有如此盛況，你估個個都係張學友、陳奕迅？所以選擇項目很重要，拿捏亦是關鍵，並非以量取勝，市場比政府更懂選擇。

    強生是體育迷，澳門要打造“體育之城”舉腳贊成，問題又是選項及水平。網絡發達，世界上甚麼高水平的比賽，一上網就能直接看到，誰是天王巨星、誰是陪跑分子，大家心中有數，養到港澳乃至內地同胞的要求越來越高。例如睇足球要選歐聯、英超、西甲、世界盃、歐洲盃，水平或名氣差啲，觀眾量大打折扣。看籃球亦多看NBA，其他即差一大截。打造“體育之城”一點不容易，看周邊的香港、深圳、廣州、上海、杭州乃至新加坡、日本、泰國、馬來西亞紛紛大搞體育盛事引客，大家套路差不多，就要考硬件、財力、關係，但澳門，優勢唔明顯。

    強  生 hengut@gmail.com