投資新片票房報捷

    古天樂：拍社會題材不講賺蝕

    前日，古天樂與余香凝亮相尖沙咀的手錶活動，一班古仔粉絲有到場支持 ，更提早送上聖誕禮物，古仔走到台邊與粉絲影合照，表現親民。下月便是聖誕節，古仔笑言要去買手錶獎勵員工， 透露公司會舉行聖誕派對，屆時亦會有現金獎抽獎。他笑說：“ 抽現金開心過抽手錶，現金可以買自己鍾意嘅嘢。”

    新片《白日之下》票房穩步上揚，上畫兩星期累積票房近一千萬，撼贏同期中西片。余香凝身為該片女主角，表示好開心。余香凝自誇，證明跑多幾場謝票是有用的， 因為可以近距離同觀眾分享，不過有點攰。有份投資該片的古仔即說：“咁都攰，咁快就攰？”余香凝聞言即醒目改口稱：“咁鼓舞嘅時候，即刻唔攰！”古仔又預告會繼續跟導演一齊去謝票，他說：“身為香港電影從業員要去支持香港電影，可以接觸更多觀眾，聽更多不同意見，吸引更多觀眾去睇戲。”

    談到余香凝憑該片角逐金馬獎“最佳女主角”獎項，古仔表示入圍已經是好開心的肯定，已盡力便可。身旁的余香凝表示，能入圍已是很大的鼓勵，並希望能以最佳狀態出席頒獎禮。她說最近都努力減肥中，身形已比上次出席首映禮時瘦了， 至於戰衣仍在物色中。育有一對子女的她，既要湊小朋友又要宣傳電影，工作會否很吃力？她直言要睇時間做人。

    早前，林保怡感謝古仔堅持起用他飾演戲中院長一角，古仔說：“想搵個表面好善良嘅人， 之後就諗到搵保怡，我打畀佢，佢都話好，其實個角色都幾大膽。”至於該片可有為他賺錢？古仔說：“呢啲唔講。”他又稱都想再開拍社會題材的電影，但這類劇本可遇不可求。