林智樂：魏浚笙係勁敵

    昨日Felix（林智樂）到新城電台宣傳新歌《澀谷駅前等》，今年新人不少，記者問Felix：“哪個是你的勁敵？”他坦白說：“個個都咁勁，尤其Jeffrey（魏浚笙），（覺得自己定對方贏面較大？）當然係Jeffrey，覺得佢好靚仔，希望之後頒獎禮有機會同佢打招呼，（覺得自己唔靚仔？）自己係另類。”談到工作，Felix透露除了出歌，還會拍綜藝節目《聲夢CLS》（聲夢Crazy Like Summer），他指節目原定暑假推出，現改為明年才拍攝，屆時要香港澳門兩邊走，而他會與其他聲夢學員做主持。

    林智樂說新歌對他來說算係高難度，今次他亦有份參與新歌主題及編曲。Felix今年有份角逐新人獎，記者問他：“是否已開始拉票？”Felix說：“未做，（有冇信心？）入咗圍就要有信心，輸人唔輸陣，而家已經搵緊戰衣，（點拉票？）做多啲好歌同訪問，等多啲人知道首新歌。”