曬入院相拒透露病情

    江嘉敏打完吊針慈善跑

    昨日，公益活動《苗圃挑戰12小時 2023》在大埔舉行起步禮，藝人方面有譚俊彥、江嘉敏、崔建邦、方紹聰等參與這次的善舉。前晚，江嘉敏才在社交平台曬出入醫院臥床的照片，昨日便出院參與慈善活動，更表示要爭取完成昨日的四十二公里慈善跑，為善事出一分力。

    江嘉敏前晚在IG的限時動態中曬出她入醫院打吊針的照片，並留言道：“頂唔住，好彩身邊有人抬得郁我。”“五百年一遇，對上一次見到呢舊嘢已經讀緊小學嘅年代，打支止痛針痛到入心！不過打完HP值升返一半。”“禁食噩夢。”但她沒有透露患何病。

    昨日早上七時半，江嘉敏出現在《苗圃挑戰12小時2023》起步禮現場，但明顯看到她的左手仍貼着膠布。面對傳媒追問是否近日入院及何時出院的問題，江嘉敏未有正面回應，只表示：“我近期都頻頻出入醫院，有住院亦有睇醫生，被朋友取笑我像去醫院度假。（你到底患上甚麼病？）始終係我嘅私人事，不太方便多講，總之甚麼都有些，經常反反覆覆，好唔舒服，早前拍《香港重案》時我更試過倒地，要吸住氧氣行。我嘅身體一向都唔係好好，最近有做運動，已經好咗啲，醫生都建議我做全身檢查，但係由於經常身體唔舒服，好難做到檢查。（醫生可有建議你今日不要落場跑步？）我都係盡力而為，唔想浪費呢幾個月嚟嘅訓練，之前教練都有信心我可以喺八個小時之內完成，隊友亦已應承我，如果有事就孭我落山。”

    譚俊彥昨日以宣傳大使身份出席《苗圃挑戰12小時2023》起步禮，他表示：“我近排喺深圳趕拍新劇《企業強人》，但為咗參與慈善，我前一晚專誠返來，完成呢個活動之後，又要趕返深圳繼續開工。（今日可會落場參與跑步？）為免影響拍劇工作，應該不會了。（可有聽聞TVB明年會將所有劇集轉移到內地拍攝？）我冇收到相關消息，相信公司都係想多線發展。暫時只知道完成內地拍攝之後，便會返港工作。”