潮州搵食脹爆回港

    薛家燕星馬登台急收身

    前晚，薛家燕、陳茵媺、周嘉洛、鄺潔楹及蔣祖曼等，為TVB節目《思家大戰》第三季錄影。家燕姐指女兒很喜歡看這節目，事前問過她是否有把握勝出，她雖已參加多次，但因遊戲考反應及思維，故仍未能掌握箇中蹺妙。已第三次參加節目的家燕姐笑指，不知道主持人李思捷為何對她念念不忘。

    家燕姐笑言，因早前去了潮州拍攝《溜走的真味》，品嘗了當地太多美食肥了幾磅，現正盡量減少食量，希望回復輕盈身形。不過十一月她將要到新加坡、馬來西亞及內地等地方工作，所以時間上會很趕。下個月十九號係無線台慶，但今年仍未舉行亮燈，家燕姐說自己剛返港所以不知道，可能有特別安排。不過她已收到通知，會在台慶表演跳舞：“我會帶領幾十個男仔一齊跳舞，梗係返嚟排，不過我未試過同咁多後生仔一齊跳，怕到時會暈浪，集中唔到精神。（會跳十字步、開花舞？）到時會表演同平日唔一樣嘅舞蹈。”

    陳茵媺謂平時星期日是家庭日，會同仔女玩親子活動，但因工作冇辦法陪他們，就同仔女講：“上星期已帶咗你哋去深圳玩咗一個禮拜，所以媽咪去做嘢，你哋應該要比媽咪去，不過大仔會話媽咪I miss you！”她稱仔女最近看了他們的演出，很有興趣入電視城參觀，去睇父母現場演戲。

    仔女可有被他們影響想做藝人？陳茵媺就說有可能，尤其是女兒：“因為佢好鍾意靚嘢，又貪靚，佢有套迷你后冠，會喺屋企扮香港小姐，但我暫時都未畀佢睇我以前選港姐啲片，我冇同佢講，反而佢喺學校就有老師或者同學仔父母話畀佢知媽咪喺香港小姐。（佢有冇話大概要參選？）冇，佢未識呢啲。”

    陳茵媺首次參與《思家大戰》，說老公陳豪事前已叫她放鬆去玩，不用太認真，不過為怕節目中有機會有尷尬問題，故不會讓仔女看。她近日頻頻現身為新劇《羅密歐與祝英台》宣傳，就連星期日都要開工，她直言仔女向她投訴，幸好奶奶幫手湊小朋友，令她很放心去工作。