黃智雯二人世界暫不生育

    日前，黃智雯在社交平台宣佈與拍拖多年的珠寶公高層詹文天結婚，婚後兩口子到英國旅遊，但她昨日已經為新劇《香港重案》開工。被問到會否補擺喜酒時，她說：“應該唔會喇，同埋都陸續同一班‘胡說八道’好姊妹食飯，佢哋都戥我好開心，話終於等到我有呢日，不過佢哋都唔係知道好耐。”她指生細路順其自然，現階段先享受二人世界，並要完成手頭上工作。有傳她不與無線續約，她否認其事，但承認快將約滿。她說：“依家仲傾緊，有新動向會同大家公佈。”

    老公有冇叫她減少工作？她說：“冇，佢知我事業心重，去旅行時都仲掛住工作，我唔會做少奶奶，唔會放棄工作同減少演出，依家多咗個身份，反而覺得身邊多咗一個人支持我。”春風滿面的她受訪時透露，年初已跟丈夫在新西蘭完成註冊，之後旅行結婚，過二人世界。回港後，跟雙方家長吃飯及舉行斟茶儀式。她說老公以英文宣讀愛的宣言，既甜蜜又令人感動。她笑言：“拍戲拍得多，但真正到自己發生時，個感覺又好唔同，嗰一刻真係會感動到喊。”