洪助昇教王大陸講粗口

    內地電影《孤注一擲》由張藝興、王大陸、鄧萃雯、洪助昇(Aiden)等演出，在內地大收三十八億票房，該片將於香港正式上映。講到二人相處趣事，Aiden說等埋位時經常一齊吹水，有一次王大陸在片場為他公開招親：“佢問我有冇拍拖，我搖咗一下頭，點知佢突然就喺片場幫我公開招親，好大聲咁話我仲未拍拖，又去問女演員對我有冇興趣，對方微笑拒絕，我就直接食檸檬，好尷尬呀。”搞笑的是片中飾演一名“毒男”的Aiden，竟成為了王大陸的“粗口老師”，而王大陸則為Aiden片場招親來報答他。

    Aiden與王大陸在片中有不少對手戲，其中一場王大陸需要講廣東話粗口，但他不懂，所以Aiden便成為他的“粗口老師”，最後整個片場都粗口橫飛。Aiden說：“佢知道我係香港人，於是問我廣東粗口嘅正確發音，我就將畢生識得嘅粗口都教晒佢。例如問候人哋媽媽、喺條街跌親、全家都好富貴等。之後其他演員又一齊學，將大家聽過喺港產片嘅粗口用晒出嚟，最後成個片場都係粗口聲，哈哈。”