《通靈》獲紐約電視節獎項

    梁思浩：無線主動加我人工

    前日，《通靈之王2》搞拜神儀式，梁思浩、王嘉慧及陳懿德到電視城古裝街亮相。思浩自爆因上一輯《通靈》成為去年跨平台重溫節目冠軍，同時奪得“2023紐約國際電視節”的“最佳綜藝節目獎”，獲無線主動加人工。可滿意人工加幅？他笑說：“今年我無要求下加咗已OK，我諗係獎勵性，我會請大家食飯。” 上一輯節目反應好，拍攝新一輯可有壓力？他說︰“冇壓力，因為已得到國際獎項認同，只要將節目做好就得，反而上第一季，因為外界好多人對拍靈異題材有啲聲音，由於得咗國際獎項，我諗啲聲音就冇晒喇﹗”

    思浩說節目暫定九至十集，並要趕及十一月播出，由於他要留港拍攝節目，故下月未能親身飛往紐約領獎。今輯節目將加入不同元素，並會參加兩個國際比賽。今輯節目的製作費可有加碼？思浩聲稱不知道。新加入的陳懿德坦言本身怕鬼，但更驚冇工開，開工前特別拜神求心安及買水晶戴。首次跟思浩合作，她指思浩強調本身很惡。思浩說︰“開工守時好重要，我係跟肥姐（沈殿霞）嗰一套，會提早半個鐘到場，今次拍攝多達一百二十人，電視係群體工作，如果一個人遲到就要全部人等。”