黃翠如訪危險地區講明怕死

    翠如主持的J2節目《膽粗粗 · HERE WE GO》，本周來到結局篇，自播出以來口碑及收視俱佳，令初次擔任監製的翠如放下心頭大石。

    她接受訪問時講到自己“膽粗粗”去風險指數極高的地方拍攝，老公蕭正楠同屋企人都非常支持，她說︰“雖然大家都會擔心，但佢哋知道我係好有分寸嘅人，大膽得嚟怕死，會保護自己。”

    講到拍旅遊節目使命，翠如認為吃喝玩樂以外，帶訊息給觀眾，打破他們對某些地方先入為主的觀念亦很重要，但前提是注意安全。好似今趟她到訪謀殺率極高的厄瓜多爾時，便特別叮囑“五點後唔好出街”。

    前晚的一集，翠如同“旅遊節目實習生”Zayden來到節目最後一站“戰爭之地”——科索沃。他們一抵埗就面臨拍攝以來最大考驗，翠如無奈的表示：“第一件不幸事件係斷網，好唔容易才買到張上網卡，但大部分時間係冇網絡訊號，只係間唔中Send到Message。”