一齊代言護膚品廣告

    許恩怡林熙彤有默契

    日前，Natalie（許恩怡）、Hazel（林熙彤）與Nancy（歸綽嶢）獲護膚品牌邀請一同拍攝廣告，同時宣揚回收空瓶的環保訊息。三人鏡頭前後情同姊妹，大曬青春無敵本色。她們本來就是閨密，閒時經常相約出外聚會，今次一齊搵銀更有默契。

    Hazel說：“當知道可以一齊拍廣告，當然是開心啦！是一次好好的機會畀我們玩，寓工作於娛樂。雖然凌晨四點半就要起身化妝，但有她們陪我一齊眼瞓，比自己一個眼瞓更加精神，哈哈。”Natalie則說：“好多謝拍攝團隊幫我們安排很多節目，今次我們就好似一齊約出去玩，平時我們約出去都係食同玩，哈哈！之後都想約埋一齊行山，不過，大家一直都好忙。”

    Natalie與Hazel都係十九歲，拍攝當日化身可愛甜心，分別在沙灘與雅緻的獨立屋之中取景拍攝，又玩戶外瑜伽、singingbowl、沙灘漫步等。她們不用熱身已默契十足，在歡笑聲中完成工作，非常好玩。二人從同門轉化成好友關係，這次更加首次一起拍攝廣告，大家都喜出望外。

    她們近來各有各忙，Hazel升讀大學一年級，希望學業與演藝事業同時兼顧，修讀設計的她熱衷藝術，之前趁暑假更籌辦了首個個人攝影展。Natalie則一直活躍於品牌活動，她將投入新戲的拍攝。今次拍攝更是難得的機會，Hazel笑言若可以一同拍戲便可朝夕相處：“我們可以一齊拍戲呀，還要演敵人。”Natalie說：“我都想呀！不過驚我們拍戲時笑得太多，導演會生氣，因為我們之前學戲時做過對手，大家都忍不到笑，但可以試做敵對角色，還要打架的。”