張寶兒爆夫產前抑鬱

    記者訪問“熒幕大記者”，張寶兒《破毒強人》宣傳活動透露，她與袁偉豪的愛情結晶：“袁咕碌”，預產期十一月，但，“元（袁）寶”未有公佈嬰兒性別……“老公是知道的。”

    第一胎想生仔還是生女？“冇無謂”，寶兒說，“我知道，Ben係鍾意女多啲。”潮流興多產，不少藝人生B，都三個起跳。寶兒可有計劃生幾多個“袁寶寶”？未決定，“一個會孤單，又可能萬千寵愛，老公和奶奶知道我懷有BB，好開心……”奶奶經常煲湯，並督促多飲牛奶。不料，寶兒經過試驗後，羊奶更適合自己。

    人夾奶緣，寶兒發覺，近來，長胎不長肉，懷孕後更明艷照人，臉上又掛着幸福微笑。都說女人最美麗，是做母親的時候！

    “未決定剖腹還是順產，一切聽從醫吩咐。”寶兒覺得自己會不夠力生，曾經想過剖腹生產。醫生提議，趁年輕應嘗試順產。“畢竟第一胎，話唔驚就假，唯有不去諗生仔痛唔痛……”不過，老公有上網睇有關生育視頻，做定功課，準備陪老婆入產房，阿Ben會否怕血淋淋場面？“驚都冇辦法”寶兒笑嘻嘻，“佢想幫BB剪臍帶，見證BB出世。我都冇見過佢有乜嘢驚，我都想見識下。”

    “袁咕碌”俗稱好腳頭，在媽媽肚內，已帶挈父母拍了兩個廣告，搵了一筆奶粉錢。寶兒大讚BB好配合，“拍汽車廣告時，BB五個月大，阿Ben同BB講，喼住狀態等拍完呢個廣告，生意好大。果然，拍完個肚即刻大。七個月時，寶兒拍奶粉廣告，個肚好大。”寶兒笑言，會將這兩個廣告的酬勞撥入BB的教育基金。

    產後，專心照顧BB，減少演出？“不想放棄自己的工作”。寶兒坦言，“我好享受幕前演出工作，會做職業媽媽，兩邊兼顧。”寶兒透露，“老公阿Ben好勤力上網學湊仔，之後，兩公婆去上育嬰班。”

    不過，老公肯定不會減少工作留家湊B。“反而要更加勤力，要搵奶粉錢呀！”寶兒自爆，懷疑老公有產前抑鬱，“有人話，懷孕媽媽較情緒化，覺得老公比自己更情緒化。第一次聽超聲波，我感覺佢好觸動。聽音樂，看劇集，諗起親情，多咗好多表情，好得意，同佢平日的冷靜理性好唔似。”

    高  梁