趙璧渝家傭倒瀉籮蟹

    前晚無線的《你想點煮姐》節目，請來趙璧渝同家傭（姐姐）亮相。璧渝和姐姐Rochelle，二人拍晒膊頭感情要好，璧渝大讚Rochelle做家務及對老人家均細心又有耐性，唯獨廚藝就以一個“唉”字概括。她透露姐姐曾經金針菜和芽菜傻傻分不清，食物調味亦永不對味。為一雪前恥，Rochelle現場再戰這個地獄菜式，雖然有板有眼、外在美滿分，可惜雞件未煮熟、金針菜有大陣味，還錯把醋當豉油，令餸菜出現一陣奇怪的酸味。

    不過在眾人起哄下，Rochelle即場展歌喉，還吸引全場目光，璧渝忍不住慨嘆Rochelle煮餸有姿勢冇實際，是“被姐姐耽誤咗嘅歌手”。昨晚的嘉賓是艾威與姐姐Ade。艾威對Ade廚藝全情耍手兼擰頭，更在錄製節目途中拿出一早準備好的乾糧醫肚打底，並笑謂：“我驚自己一陣餓得滯真係要食咗佢啲餸，依家食飽就一陣唔使食。”結果Ade不負“威”望，不但將“涼瓜煎紅衫魚”離奇地一開二，並且兩者都未煮熟。艾威笑指印尼餐變日本餐（刺身），Ade就笑指其實艾威私下對她十分欣賞。