陳瀅與愛犬客串搶鏡

    日前播出一集的《寵愛Pet Pet》，劇情方面，汪聲仁（周嘉洛飾）與金惠婷Paula（林夏薇飾）朝夕相對，阿仁慢慢對Paula產生愛意，更會借Buddy冬甩（金毛尋回犬Romeo飾）試探Paula口風。正所謂情人眼裏出西施，在阿仁眼中，Paula無時無刻都散發女神光芒，畫面唯美得嚟又搞笑。獲不少網友大讚靚女兼保養得宜的薇薇，大方分享護膚心得：“平時好注重飲食，除咗會飲多啲水，亦都會飲水果、蔬菜汁，同埋每日至少做個半鐘運動。”

    此外，陳瀅與愛犬Kumo客串演出，雖只是閃現數秒，但已令觀眾好有驚喜。說到陳瀅閃現客串，監製Andy透露：“佢知道我拍《寵愛》之後，就一直好想自己嘅愛犬可以有份出鏡，嗰時佢又開緊第二部劇，最後諗到喺呢場戲安排佢做一個客人，滿足佢嘅心願。”拍攝現場Kumo非常黐周嘉洛，嘉洛更將Kumo放在膊頭上跳舞，現場其他演員見嘉洛同Kumo鬼咁老友不禁說：“點解隻隻（動物）都咁鍾意你嘅？”當日除了陳瀅，正值拍攝《靈戲逼人》，飾演曲行雲的張振朗亦有到場探班。