來澳開騷多謝蘇芮

    杜德偉盡興唱到除褲

    杜德偉(Alex)前晚來澳舉行《起來GET UP 2023 杜德偉世界巡迴演唱會——澳門站》，演唱會上他感謝大家耐心等候了三年再次見面。他在唱到名曲《脫掉》時掀起全場高潮，脫下長褲，下身只剩貼身短褲，火辣性感。囝囝AJ在台下同樣十分興奮，手舞足蹈，跳足全程，跟爸爸遠距離共舞。

    今次重啟演唱會，Alex落足心思去跟現場歌迷交流並盡吐心聲，在每一首歌前後都留時間跟大家聊天，演唱會就似家庭聚會一樣，非常親切窩心。

    出道接近四十年的Alex自爆：“以前好驚講呢啲數字，怕人哋聽咗覺得我好老。不過我而家諗通咗，數字一啲都唔可怕，現場有跟着我一齊成長嘅歌迷朋友，呢啲數字對於佢哋來講就好似一架列車，乘載着佢哋嘅青春。”

    由於七月接連有颱風來襲，Alex的團隊亦一度擔心超強颱風“杜蘇芮”會吹正港澳，他搞笑地說：“今晚可以順利開演唱會，真係要多謝一個朋友，佢就係蘇芮！好彩佢冇嚟，你哋先至可以坐喺度！開show前，我已經打咗電話畀真正嗰個蘇芮多謝佢，仲順便約埋佢下次一齊唱《酒干倘賣無》。希望日後有機會可以邀請她做我的演唱會嘉賓。”

    直到演唱會尾聲，感性的Alex仍未停止跟歌迷們表白，他坦言：“今晚我要多謝在座的每一位，尤其是多年來一直支持我嘅歌迷朋友，每次看到你們在台下好熱情咁跟着我一齊唱歌嘅樣，時光就好似倒流返去我仍是廿幾歲時，你哋也變成以前放學後嚟睇我嘅口靚仔口靚妹。多謝你哋，有你哋我先可以一直喺舞台上表演，繼續唱歌跳舞。”