昨日賽事總投注三百一十餘萬

    羅理雅捧主席挑戰盃

    昨天草地黃昏馬完結。是仗上演“主席挑戰盃”戲碼較強，五場總投注額共收三百一十一萬七千元。

    頭場五六班混戰，錢健明廄“耀昌勝世”由張志立主轡大熱掄元。此雙人馬上次同程跑第四大熱倒灶，敗後小休再來。今次五六班混戰所遇對手較弱，馬匹負頂磅出閘搶放，全程守住第三、四位，入直路發力甩開對手悉先衝線。“耀昌勝世”季內投入錢廄後已取兩捷，馬房有交代。張志立、錢健明攜手添頭馬。

    第二場徐錦輝爆冷贏林宏基廄“夠響照贏”。此駒上次用牌仔特蘇日跑沙地無功而回，敗後轉戰草地千二米，改配徐錦輝操刀發揮又不同。騎者出閘快步跟出守好位，沿途小心翼翼，入直路展開強勁衝刺，埋門前殺出重圍，以半馬位挫敗冷馬“國金軒”，爆十五倍冷門替馬房增添一W。是場基廄兩駒列陣，“兄弟班”大熱門只跑第三，導致連贏位派彩逾千元，馬房熱倒冷爆，捉到路數買中者和味。

    第三場羅理雅喜捧“主席挑戰盃”，此子騎摩利高／摩加利廄“夠響贏瑪”以無敵姿態掄元。此駒季內跑千二米已取五捷，堪稱路程專家。上次約尼斯跑同程屈居第二，今次跑盃賽幕後聘請羅理雅前來替馬匹主轡。騎者出閘藉一檔地利搶先，沿途貼欄帶頭，全程愈放愈有，一口氣直帶到尾，贏來兵不血刃。“夠響贏瑪”今次蝕分出戰殺低一眾強敵，捧走“主席挑戰盃”。

    第四場中野省吾贏梁國浩廄“年年駿”。此駒上次雅倫執鞭無功而返，敗後匆匆再來。今次轉戰千八米長途賽回配老搭檔中野再拼。騎者出閘搶先貼欄，沿途且戰且走，入直路發力衝剌一攻而破，替馬匹勝回一仗。浩廄喜添頭馬騎者亦居功。

    尾場田中正一爆冷贏賀蘭杜夫廄“興測”。此駒連仗千二米跑來得梗頸四，敗後增程換人再戰。今跑千五米成八倍半冷，騎者出閘稍慢，沿途跟住馬群入直路才全力衝刺，埋門突圍而出，今次贏來判若兩駒。賀廄增添一W，田中正一食尾餬埋齋。