面部傷勢好返九成

    黃紫恩玩遊戲唔怕再受傷

    有“J2女神”稱號的黃紫恩(JoJo)，月前在街上突然暈倒，九十度正面仆落石屎地面，弄傷面部，差點毀容。之後她都有在IG上載短片，曝光了傷勢，眉骨、鼻樑及下巴都有受傷。前晚她參與《獎門人秋季感謝祭》節目錄影，看來傷勢已康復，她亦有投入玩各項遊戲。

    無線遊戲節目《獎門人秋季感謝祭》前晚錄影，黃紫恩(JoJo)、陳若思、胡美貽、翟威廉、許家傑、羅天宇等人分成男、女子隊玩遊戲。五月底時曾意外跌倒弄傷面部差點毁容的JoJo，復出開工。她受訪時表示：“我的傷勢已好返九成，相信之後做醫美就可以回復以前的靚樣，所以也不擔心玩遊戲時會再受傷。”

    JoJo已第三次上《獎門人》節目，她笑稱：“我同陳若思和胡美貽都係白羊座，比較麻甩，所以玩任何遊戲都會好很投入和瘋狂，只擔心一班男嘉賓會怕了我們呢。（是否會用美人計迷惑他們？）呢個重任就交給陳若思吧，哈哈。”被問到玩什麼遊戲最有信心時，陳若思表示對玩傳紫菜遊戲有信心：“因為我本身口水少，所以傳紫菜冇問題，太多口水會容易整溶啲紫菜。”胡美貽則表示：“我最想同羅天宇對戰傳紫菜，因我哋之前拍劇時已試過拍接吻戲，所以唔會尷尬。”

    問她們三人可想一齊拍旅遊節目挑戰極限運動？JoJo十分贊成：“我希望公司畀我哋多啲機會，我最想到內蒙古玩騎射。”陳若思則希望到埃及沙漠遊覽。

    前晚，男、女子隊分別由金剛和麥美恩帶隊，玩“啜乒乓波”遊戲時，最初由男子隊領先，但女子隊幸有金剛出馬，贏返唔少分。最後“獎門人”曾志偉判兩隊打和，結束遊戲。