陳慧琳反覆感冒惹全家

    昨日，陳慧琳(Kelly)亮相保險公司代言活動。

    Kelly將於九月底來澳門舉行演唱會，開騷前會否加買延期保險？Kelly覺得都是觀眾最慘冇騷睇，要投保都是製作單位去考慮。會如何去預防？她笑說：“我要開始戴十個口罩，拿咪唱歌時要拉開嗌咪，之前做騷，所用的咪都是共用的，我感染新冠可能就係因為個咪！”會否改用私家咪？她表示私家咪聲不會特別靚，而且每一兩小時又要set咪，唯有提醒經常消毒。

    談到鄭秀文因感染新冠病毒未病癒，演唱會被迫延期，近日容祖兒亦因感冒，演唱會有幾場要延後舉行。Kelly瞪大眼說：“會不會是新種感冒，我之前都不停感冒，被迫停了錄音，延遲了所有訪問和出歌。其實最初係阿仔返學，他感冒傳了給我，之後不停變種，我又不停感冒，最後到我染到新冠，就傳返晒畀屋企人！”

    Kelly眼見Sammi、祖兒病倒，她會更加小心：“我甚麼款感冒都惹過，病到七彩，又低燒、聲沙，除非又再變種，不好了吧！”之後到電子傳媒做訪問，Kelly拿着咪時即小心翼翼，要先消毒才去做訪問。