張敬軒母遷港照顧起居

    昨日，張敬軒到中環一間食店出席活動。雖然他穿上牛仔褸，仍難掩消瘦身形，他解釋因有時差問題：“去美國兩個禮拜，但要用三個禮拜調整返時差，而家每晚凌晨三四點仲係眼光光。”活動上他試食三文治及米線，吃得津津有咪，會否叫工人姐姐學煮？他說：“姐姐就快退休唔做回鄉，（冇姐姐煮早餐咪好慘？）新生活新開始，走咗姐姐，來了阿媽。”軒仔說父母近日來港定居，媽媽識煮很多食物，但因是北方人，所以煮的食物較濃味及油膩。

    軒仔見粉絲在酷熱天氣下露天支持他大表感動：“佢哋嚟食下午茶，一陣會有工作人員招呼佢哋。”他說去由美國返港後沒有跟粉絲見過面，因為公司及粉絲都說他懶惰，只推出過一首歌，故近日一直閉關做新歌。說到他近年頻頻開騷好勤力，軒仔說：“宣傳嚟啫，（你係公司最賺錢藝人？）冇啲咁嘅事，出碟開騷都唔夠出席event咁多，演唱會只係宣傳一部分，老闆話我敗家，因我會用歌酬買好貴嘅咪，同埋要求高，將部分音樂拎去外國製作，價錢係天價。”